موحدلره قیلما انکار

جهان ایچره هر فتنه کیم، اولسا حادث،
اونا سرو قددین دیر، البته، باعث.
مدارسده تحقیق موی میانین،
دقایقدن اورتایه سالمیش مباحث.
موحدلره قیلما انکار، زاهد،
مئی وحدتی سانما امّ الخبائث*.
ایکی دیده سیز عالمه یوسف و سن،
سیزه یوخ جهان ایچره امکان ثالث.
منه جمع اولور قاندا کیم، وار بیر غم،
منم ملک غم ایچره مجنونه وارث.
تؤکوب اشک کویینده، وصلین دلر دل،
ساچار نفع ایچون دانه توپراغه حارث**.
عذار و لبین وصفین ائیلر فضولی،
اونا هم مفسر دئرم، هم محدث.
———————————————
* امّ الخبائث – پیس لیک لر آناسی
** حارث – اکینچی