جانب لعلینی توت

خط رخسارین ائدر لطفده ریحان ایله بحث،
حسن صورتده جمالین گل خندان ایله بحث.
جنّتی کویینه زهد اهلی مناسب دئسه لر،
نه مناسب کی، قیلام بیر نئچه نادان ایله بحث.
یوزونه دورماسین آینه اوروب لاف صفا،
نه روا مه قیلا خورشید درخشان ایله بحث.
گرچی شمشاده چوخ لاف لطافت واردیر،
پوزولورایله سه اول سرو خرامان ایله بحث.
قیلسا جان لعلین ایلن فیض یئتیرمک بحثین،
جانب لعلینی توت، ای کؤنول، ائت جان ایله بحث!
دوشر اود شمع دلینه بو سببدن کی، قیلیر
دیل اوزادیب گئجه‌لر اول مه تابان ایله بحث.
صفت حسنون ائدر خسته فضولی، نه عجب،
حسن گفتارده گرایله سه حسّان ایله بحث