منو
لاله رنگ اولا
شب کی، مفتاح مه نو اولا گنجینه گوشا،
قیلا پیمانۀ گردونی جواهرپیما.
گیزله‌ییب چشمۀ خورشید سویون کوزۀ چرخ،
قطره قطره قیلا انجم رشحاتین پیدا.
لاله رنگ اولا شفقدن فلک مینافام،
دیشره سالمیش کیمی عکس مئی گلگون مینا.
ماه نو جامینی دوره گتیره ساقی دهر،
انجوم چرخه سالا نشاء تأثیر هوا.
من هم اول روح فزا راحی* تؤکم ساغره کیم،
نخل همت رشحاتیندان آلا نشو و نما.
توتار اولسام، نه عجب، مئی اتگین دورد صفت،
ایله‌ییب دیر نئجه توپراغ بو اکسیر طلا.
جام دورینده، فضولی، اوخودوم مئی وصفین:
آتش خرمن غم، آب حیات حکما.
———————————————–
* شرابی