شمع وش

فقر ملکی تخت و، عالم ترکی افسردیر مانا،
شکرلله، دولت باقی میسردیر مانا.
زلف و رخساری خیالیله ندیر حالین، دئمک
اؤیله یم کیم، گئجو گوندوز برابردیر مانا.
حور و طوبی وصفین، ای واعظ، بو گون آز ایله کیم،
همدم اول طوبی قیام و حورپیکردیر مانا.
آره دن، ای شمع، چیخ بیر گوشه توت، کیم، بو گئجه
بزم بیر خورشید طلعتدن منوردیر مانا.
وئردی باد صبح بیر خورشید طلعت مژده سین،
شمع وش وه، کیم، بو دم اؤلمک مقرردیر مانا.
زاهدا، سن قیل توجه گوشۀ محرابه کیم،
قبلۀ طاعت خم ابروی دلبردیر مانا.
ای فضولی، جمع اولور پیوسته ائل نظارمه،
عرصۀ دشت جنون صحرای محشردیر مانا.