شربت لعلین کی

شربت لعلین کی، دئرلر چشمۀ حیوان اونا،
اول وئریر جان دمبدم عشاقه و من جان اونا.
اوخلاریندان کیم، تیکان تک سانجیلیب دیر هر طرف،
گلبن غم دیر قدیم، هر غنچه بیر پیکان اونا.
خال و خط دیر بیلمم اول آینۀ رخسار اوزه،
یا گؤزومدن عکس سالمیش مردم مژگان اونا.
توتما، ای قان، دمبدم طغیان ائدیب تن چاکینی،
قوی بو منظردن دمی نظاره قیلسین جان اونا.
بحر لؤلؤ دیشلرین وصفین مگر، سؤیلر صبا
کیم، قولاق توتموش صدف ایچره دور غلطان اونا.
طفل تک کیم، اوخودارلار زجرایله قرآن اونا.
ای فضولی، اول صنم افغانینا رحم ائیله مز،
داشه بنزر باغری، تأثیر ائیله مز افغان اونا.