دردیم اولدیر کیم

چشم صورت بازیما مژگان صف هنگامه دیر،
قانه باتمیش هر مژه بیر شوخ گلگون جامه دیر.
تا خطین اوزره خم ابرولرین سرگرمییم،
هر سؤزوم درد دل املاسینه بیر سرنامه دیر.
گؤستر هر دم علامت لر قیامتدن قدین،
قایم ائتمیش حشر برهانین، عجب علامه دیر.
اوزده نقش خون دل راز نهانیم فاش ائدر،
شرح غم تحریرینه هر کپریگیم بیر خامه دیر.
دردیم اولدیر کیم، مسلمان اولموش اول ترسابچه،
کفره اولان ظلم لر طعنی بو گون اسلامه دیر.
ای صبا، رحم ائت کیم، اول بیدرد قیلمیش ترک جور،
چارۀ درد دلیم موقوف بیر اعلامه دیر.
ای فضولی، بولمادیم رنگ ریادن بیر صفا،
نولا گر میلیم بو رنگ ایله مئی گلفامه دیر.