غنچه یه لاف لطافتیده آغیز آچدیرما

باغه گیر، بلبله عرض گل رخسارایله،
ییغ گلون عرضینی، بلبل گؤزونه خارایله.
باغ شاهدلرینه زلف ایله چشمین گؤستر،
سنبلی درهم ائدیب، نرگسی بیمارایله.
غنچه یه لاف لطافتیده آغیز آچدیرما،
لحظه لحظه اونی شرمندۀ گفتارایله.
دار دنیانی، کؤنول، جهد قیلیب، ترک ائده گؤر،
خواب غفلتده ایکن اؤزونی بیدارایله.
ای جگر زخمی، آغیز آچما خدنگین گؤروبن،
یئتنه راز نهانیم، یئتر، اظهارایله.
سرو آزاده لیک اسمیله یارالمیش یورومک،
اونو هم شیوۀ رفتاره گرفتارایله.
کس، فضولی، طمعین غیر تمنالردن،
خاندا اولسان طمع دولت دیدارایله