گؤر نه قانلار دوشه جک دیر اولارین آره سینه

ایستدیم مرهم اوخوندان جگریم یاره سینه،
آتدی مین اوخ کی، دگر هر اوخی بیر پاره سینه.
بیر بیریله چکیشیر گرد رهینچون مژه لر،
گؤر نه قانلار دوشه جک دیر اولارین آره سینه.
چکمز اولدی، کؤنول اوخلار یوکون، اول سرو مگر
چکه رک آته اوخون، رحم ائده بیچاره سینه.
قانی گؤز یاشی کیمی اهل نظر کیم، یوگوروب
بیر ایچیم سو وئره دشت غمین آواره سینه.
هر طرف عکس لریم دیر گؤرونن، یا ییغیلیب
گلدی سو خلقی سرشکیم سو نظاره سینه.
بیلمزم کیم، نظر اهلی نسینی اکسیلدر،
غضب ائیلر، نظر ائتسم مه رخساره سینه.
ای فضولی، جگریم قانینی قویماز تؤکوله،
جان فدا اول سنمین غمزۀ خونخواره سینه.