خساره نقطه اولماق رسم خط اولماسایدی

مصحف دئمک خطا دیر اول صفحۀ جماله،
بو بیر کتاب سؤزدور، فهم ائدن اهل حاله.
رخساره نقطه اولماق رسم خط اولماسایدی،
دوشمزدی منزل ائتمک رخسارین اوزره خاله.
حیران ماه رویین خورشیده مهر سالماز،
مشتاق طاق ابرون اکسیک باخار هلاله.
قوندوردی گرد خطین آینۀ مراده،
قفل اوردی عقد زلفون گنجینۀ وصاله.
دوران منه قلم تک سئودا قاپی سین آچدی،
تا قددیمی غمیندن دؤندردی ضعف ناله.
رسم وفا، فضولی، سندن کماله یئتمیش،
خوش کامل زمان سن، احسنت بو کماله.