خم ائتدین قامتیم، گر ترک سر قیلدیمسا معذورم

نهال سرو دیر قددین، قاشین نون اول نهال اوزره،
مثال نقطۀ نون خالین اول مشکین هلال اوزره.
اولوب حیران، گؤتورموش خط و خالیندان نظر، گویا،
گؤزوم مردم لریدیر نقطه‌لر اول خط و خال اوزره.
خم ائتدین قامتیم، گر ترک سر قیلدیمسا معذورم،
نه عذروم وار اگر دئرلرسه اولماز نقطه دال اوزره.
زلال خون دلدن دیر گؤزوم پیمانه سی مملو،
حباب اوستینده دیر اول نقطه کیم، قورلار زلال اوزره.
یازار گؤز پرده سینه اشک شرح حال، بیلمز کیم،
اوخونماز قان ایله یازیلسا خط اوراق آل اوزره.
دمادم کلک مژگانیله طفل مردم چشمیم،
خط سئودای خالین مشق ائدر لوح خیال اوزره.
فضولی نین طریق نظمه طبعین مستقیم ائتمیش
خیال قامتین کیم، بیر الف دیر اعتدال اوزره.