قیامت ماجراسیندان گؤر

منی ذکر ائتمز ائل، افسانۀ مجنونه مایل دیر،
نه بنزر اول منه، دردی اونون تقریره قابل دیر.
بیابانلاردا مجنوندان غم و دردیم سئوال ائتمین،
نه بیلسین بحر حالین اول کی، منزلگاهی ساحل دیر.
منیم تک اولا بیلمز شهرۀ شهر بلا مجنون،
قبول ائیلرمی بو رسوالیغی هر کیم کی، عاقل دیر؟
نه مشکل حالی اولسا عاشقین معشوق ائدر چاره،
گر اول بیدرد بیلمزسه بو حالی، حال مشکل دیر.
فراق ایامی سیلاب سرشکیمدن خبر توتماز،
قیامت ماجراسیندان گؤر، اول ظالم نه غافل دیر.
فقیه مدرسه معذوردور انکار عشق ائتسه،
یوخ اؤزگه علمینه انکاریمیز، بو علمه جاهل دیر.
فضولی، ائل سنی مجنوندان افزون دئر ملامتده،
بونا منکر دئگیل، مجنون داخی معقوله قایل دیر.