غمین کیم

یانان عشق آتشینه آتش دوزخ دن ایمن دیر،
نه کیم، بیر گز یانار، یاندیرماق اونی غیر ممکن دیر.
بوراقدیم ذورق دل عشق بحرینه، ساقین، ای ماه.
تموج وئرمه سین تشویش اونا کیم، اوندا ساکن دیر.
دهانین درجونو خال لبین گؤزدن نهان ائتمیش،
اهانت گؤر کی، هندو مخزن لؤلؤیه خازن دیر.
غمین کیم، تؤکدو قانیم، دلده ساکن اولدیغون بیلدیم
کی، خلوت چکمگین تأثیری کشف سرّ باطین دیر.
جگر داغینه مرهم اولدی پیکانین، بحمدالله،
سعادت کوکبینه اختر بختیم مقارن دیر.
رخوندن نور اوغورلار شمع، باشین کسّه‌لر جایز،
بودور بیر قول سرانجامی کی، سلطانینه خاین دیر.
فضولی، خالی اولماز صورت دل دوست فکریندن،
بو معنی دن کی، بیت الله، دئیرلر قلب مؤمن دیر.