نور ماه افزون اولور

۰۵۸ جلوۀ عکس رخون آینه ده، ای رشک حور،
روشن ائتمیش اونی کیم، خورشیددن دیر آیه نور.
برق آهیم گؤی اوزون توتموش، سرشکیم یئر اوزون،
صحبتیمدن هم وحوش ائتمیش تنفر، هم طیور.
عشق رسمی گر بودور، مشکل یئتر درمانه درد،
درد اهلی بیزبان، بیدردلر مست غرور.
داغ دلسوزون فراقین قیلدی گون گوندن فزون،
نور ماه افزون اولور، خورشیددن اولدیقجا دور.
وعدۀ لطفون چوخ، امّا بخت یار اولماز، نه سود،
گل گتیرمز، آب شیرین وئرمک ایله خاک شور.
تار زلفوندورمو رخساریندا جانلار مسکنی،
یا بوراخمیش بیر ره پرپیچ و خم گلزاره مور.
اول سر کوی ایتلری ایچره، فضولی، یوخ یئریم،
بس منه ماتم سرا، من قاندان و بزم سرور؟