داغ عشقین دردی

ای مزاق جانه جورون شهد و شکّر تک لذیذ،
دمبدم زهر غمین قند مکرر تک لذیذ.
آتش برق فراقین نار دوزخ تک الیم،
جرعۀ جام وصالین آب کوثر تک لذیذ.
شرح احوالیم سنه مسته نصیحت کیمی تلخ،
تلخ گفتارین منه مخموره ساغر تک لذیذ.
داغ عشقین دردی ذوق سلطنت تک دلپزیر،
خاک کویین سیری فتح هفت کشور تک لذیذ.
نولا بولسام ذوق گؤیدوردوکجه کوکسم اوزره داغ،
اهل درده داغ اولور، بیدرده زیور تک لذیذ.
تازه تازه داغ دردین دیر دلسوزانیمه
فی المثل، حرص اهلینه جمعیت زر تک لذیذ.
ای فضولی، عالمین گؤردوم قمو نعمت لرین،
هیچ نعمت گؤرمدیم دیدار دلبر تک لذیذ