اشک آهیم

گؤز خطیندن مردمین محو ائتمه دن بولماز مراد،
ضایع ائیلر حسنونو خطین سواد اوزره سواد.
اولا بیلمز چین زلفوندن جدا گؤز مردمی،
جاری اولموش دور بو عادت، طّره سیز اولماز مداد.
کؤنلون آهیمدن ترحم صورتین گؤستردی، لیک
موج دن سو نقشینه چوخ ائتمک اولماز اعتماد.
اشک آهیم نفرتی قطع ائتدی ائلدن الفتیم،
چیزگینن چورمده یا گرداب دیر، یا گرده باد.
کئچدی تندن اوخلارین، تنها قالیب دل، دمبدم
ناله‌لر ائیلر، کئچن همدم لرین ائتدیکجه یاد.
چاک سینه مدن کؤنول چیخدیقجا شاد اولسام نولا،
اویله آفتدن یاخاسین قورتاران اولمورمی شاد؟
شیوۀ شمشاد قددین گؤرسه، ائیلر باغبان
اعتدال سرو دن، البته، سلب اعتقاد.
قویما ناقص اهل درد ایچره فضولینی، طبیب،
ایله بیر درمان کی، دردین ائده گون گوندن زیاد.