آچیلیر کؤنلوم گهی

ناله دن دیر نئی کیمی آوازۀ عشقیم بلند،
ناله ترکین قیلمازام، نئی تک کسیلسم بند بند.
قیل مدد، ای بخت، یوخسا، کام دل ممکن دئگیل،
بؤیله کیم، اول دلربانی درد درمن دردمند.
داغی لردیر اولو کؤکسیمده قاراسی قویمامیش،
یا ثبات عشق ایچون اود اوزره بیر نئچه سپند.
آچیلیر کؤنلوم گهی کیم، گریۀ تلخیم گؤروب،
آچار اول گلرخ تبسّم بیرله لعل نوشخند.
خاک راهیندن منی قال دیرا بیلمز سایه تک،
قیلسا گردون آفتابین هر شعاعن بیر کمند.
جام توت، دئر، ساقی گلچهره، زاهد، ترک جام،
ای کؤنول، فکر ائله گؤر کیم، قانسیدیر توتمالی پند.
ای فضولی، صورت فقرین قبول دوست دور،
هیچ درویشی سنین تک گؤرمدیم سلطان پسند.