جفا و جوری چوخ

نواساز ایله مئی نوش ائدن لر دیلروبا لردیر،
چکن درد و بلالر یوز غم ایله بینوا لردیر.
پریشان ائتمه کاکل، باشین ایچون، ای پری پیکر
کی، هر بیر کاکلون تارینده یوز مین مبتلا لردیر.
گل، ای زاهد، اگر اهلی یقینی گؤرمک ایسترسن،
اؤزون دن بیگمان بیگانه اولموش آشنا لردیر.
کئچیب، دیلداره یار اولماق دیلرکن، مدعا لردن،
سنی یارین دان اغیار ائیله ین بو مدعا لردیر.
جفا و جوری چوخ، دلبرلرین مهر و وفاسی آز،
فضولی، چک الین نه ائتمک اولور بو بیوفا لردیر.