حذر ائت

ساقیا، جام توت اول عاشقه کیم، قایغولودور،
قایغو چکمک نه ایچون، جام ایله عالم دولودور.
تلخ گفتارسیز اولماز لب یار، ای عاشق،
چوخ هوس ائیله‌مه اول شربته کیم، آغولودور.
دل پرخونیمه یاغیدیرما بلا پیکانین،
حذر ائت، شیشه یه، ناگه ضرر ائیلر، دولودور
کؤنلومین زخمینه پیکانینی ائتدیم مرهم،
گنج غم دیر، نولا گر بؤیله دمیر قاپولودور.
مونجه کیم، کوه صفت باشیمه داشلار اورولور،
دیدۀ بختیم اویانماز، نه آغر اویغولودور.
قویالیم باشی خم باده ایاغینه گلین،
توتولوم حرمت اونون چون کی، بیر آدلو اولودور
نرگسین فکری، فضولی، گؤز و کؤنلومده گزر،
توتار آهو وطن اول یئرده کی، اوتلو، سولودور.