عاشقه معشوقدن

اؤیله سرمستم کی، ایدراک ائتمزم دنیا نه‌دیر،
من کیمم، ساقی اولان کیمدیر، مئی و صهبا نه‌دیر.
گرچی جاناندان دل شئیدا ایچون کام ایسترم،
سورسا جانان، بیلمزم کام دل شئیدا نه‌دیر.
وصلدن چون عاشقین منعین ائدر ایستر وصال،
عاشقه معشوقدن هردم بو ایستیغنا نه‌دیر؟
حکمت دنیا و مافیها بیلن عارف دئگیل،
عارف اولدیر، بیلمه‌یه دنیا و مافیها نه‌دیر.
آه و فریادین، فضولی، اینجیدیبدیر عالمی،
کربلا عشق ایله خوشنود ایسن، غوغا نه‌دیر؟