مکتب عشقده

تاب خورشید مه رویینه وئرمیش رونق،
تا نه، زیبا خط ایچون اولا بو تذهیب ورق.
عکس قددینله گؤرن دایرۀ آینه ده،
وئرمه بدردیر انگشت نبوتدن شق.
سنه گلشنده نثار ائتمک ایچون هر نرگس
گؤتوروبدور باشا آلتون دولو بیر سیم طبق.
هر صنم مصحف حسن حقه بیر آیت دیر،
مکتب عشقده هر دل اونا بیر طفل سبق.
عاشق اولماق سنه، بسدیر بیزه برهان جنون،
اهل عقل حسنه مقید اولا بیلمز مطلق.
رسم دیر عاشقه گلمک قاشی یای لاردان اوخ،
عشق پیدا اولالی بؤیله قورولموش بو نسق.
شاهد حسن بساطیندا بو گون اول گلرخ،
ای فضولی، دل آواره سورولموش بیدق.