اولوب گون گوندن افزون

اولور رخسارینا گون، لعلینه گلبرگ تر عاشق،
سنه اکسیک دئگیل، گؤگ دن انر، یئردن بیتر عاشق.
منه مقصود ترک عشق ایدی، وه کیم، منع حسنون
اولوب گون گوندن افزون، قیلدی گون گوندن بتر عاشق.
تماشای جمالیندان نظر اهلینی منع ائتمه،
نه سود اول خوب یوزدن کیم، اونا قیلماز نظر عاشق.
چمنده پای بوسیندن اولوبدور سبزه‌لر خرم،
هامان بیر سبزه جه اولماغه عالمده بیتر، عاشق.
قیلیرسان مین جگر قان، هر یانا باخدیقجا، ای ظالم،
نه باخماق دیر بو، هر دم قاندان آلسین بیر جگر عاشق؟
قیرارسان اهل عشقی، توتالیم، کیمسه الین توتماز،
نه ایشدیر بو، گرکمزمی سنه، ای بی خبر، عاشق؟
نه پروانه دورار بیر شعله یه، نه شمع بیر آهه،
فضولی، سانما کیم، بنزر سنه عالمده هر عاشق