خاک کویین

محنت عشق، ای دل، آسان دیر، چوخ ائیلمه لاف،
عشق بیر یوک دور کی، خم اولموش اونون آلتیندا قاف.
اولما خالی درد کش لر صحبتیندن، ای کؤنول،
گر دیلرسن ائده سن آینۀ ادراکی صاف.
صبحدم زلفون داغت، یا شام عرض عارض ائت،
قویما صبح وشام آراسیندا طریق اختلاف.
رشک رخسارین دل خورشیده سالمیش اضطراب،
غیرت قددین مزاج شمعه وئرمیش اعتراف.
خاک کویین کعبه یه نسبت قیلان بیلمزمی کیم،
بوندا هردم، اوندا بیر نوبت اولور واجب طواف.
وهمیم اوندان دیر کی، ممکن اولمایا غمدن نجات،
فرج اللهیم همی، نجتّی ممّا نخاف*.
ای فضولی، زاهدار دعوای عقل ائیلر، نه سود،
نفی ذوق عشق دیر، جهلینه عین اعتراف.
——————————————————-
* الله، منیم غمیمی قورتار، قورخدوغوم شئیدن منه نجات وئر