سرّ عشقین ائتمه‌دی آنجاق فضولی آشکار

آه کیم، بیر دم فلک رأیمجه دوران ائتمدی،
وصل درمانیله دفع درد هجران ائتمه دی.
یاردان مین درد دل چکدیم، بو هم بیر درد کیم،
بیلدی من درد دلیم، بیر درده درمان ائتمه دی.
عهد و پیمان ائتدی یاریم کیم: “سنه یارم”، ولی،
یارلیق وقتی وفای عهد و پیمان ائتمه دی.
وادی غربتده جان وئردیم، بو هم بر درد کیم،
بیر گئجه خوان وصالی اوزره مهمان ائتمه دی.
دوست لار، چاک گریبانیم گؤروب منع ایلمن،
اول گلی کیم گؤردی اول، چاک گریبان ائتمه دی؟
فقر ملکون توت، گر ایسترسن کمال سلطنت
کیم، ملکون فتحینی فغفورو خاقان ائتمه دی.
تیغی بیداد ایله هر درا قانیمی تؤکمک ندیر؟
ای فلک، هر کیم دم اوردو عشقدن، قان ائتمه دی.
عقل میدانینی زندان بلا بیلمز هنوز،
کیم کی، بیر مدت جنون ملکونو سیران ائتمه دی.
سرّ عشقین ائتمه‌دی آنجاق فضولی آشکار،
بو مبارک ایشی هر کیم ائتدی، پنهان ائتمه دی.