جانیم آلدین، گؤز یوموب آچینجا مهلت وئرمدین

ای مصور، یار تمثالینه صورت وئرمدین،
زلف و رخ چکدین، ولی تاب و طراوت وئرمدین.
عشق سئوداسیندان، ای ناصح، منی منع ائیله دین،
یوخ ایمیش عقلین، منه یاخشی نصیحت وئرمدین.
دون کی، فرصت دوشدی خاک درگهیندن کام آلام،
نولدو، ای گؤز یاشی، گؤز آچماغا فرصت وئرمدین.
گؤز یوموب عالمدن، ایستردیم آچام رخسارینه،
جانیم آلدین، گؤز یوموب آچینجا مهلت وئرمدین.
بومودور رحمین کی، خالین ائدر ایکن قصد جان،
چیخدی خطین کیم، اونی منع ائده، رخصت وئرمدین.
وئرمه حسن اهلینه، یا رب، قدرت رسم جفا،
چون جفا چکمکده عشق اهلینه طاقت وئرمدین.
ای فضولی، اؤلدون، افغان ائتمدین، رحمت سنه!
رحم قیلدین، خلقه افغانینلا زحمت وئرمدین.