کی، باشیمدان گئدیب دیر سایۀ سرو خرامانین

نه خوش دور عارضین دورونده زلف عنبر افشانین،
بو دوراندا نه خوش جمعیتی وار اول پریشانین.
رخون دورونده بیر دیوانه دیر سودای زلفون کیم،
پریشانلیقدان اولموش من کیمی، مشهوری دورانین.
هوادن کاکیلین دیر تپرنن، یا رشتۀ جان دیر
کی، هر دم چرکنوب باشینه ایستر اولا قربانین
قارالوب دیر توتون تک روزگاریم اول زاماندان کیم،
تنیم خاشاکینه اودلار اوروبدور برق هجرانین.
ایشیم دیر سایه تک یئردن یئره اوز اورماق اول گوندن
کی، باشیمدان گئدیب دیر سایۀ سرو خرامانین.
مسلسل زلف مشکنیندن آرتیرمیش رخون رونق،
زهی سنبل کی، اولموش زیوری گلبرگ خندانین.
فضولینی آیاقدان سالدی بار محنت عشقین،
نچون توتمازسان، ای کافر، الینی بیر مسلمانین؟