محبت ظاهر ائتمک جزمینه، قان تؤکمک ایسترسن

لبین رشکی مزاجین تلخ قیلدی بادۀ نابین،
قاشین میلی اوزونی قبله دن دؤندردی محرابین.
گره‌لر اولدی جانیم رشته سی تسبیح تاری تک،
منه گؤر نئتدی آخر آرزوی زلف پر تابین.
آیاغین توزونا اوز سورمه یه وئرمز صبا رخصت،
اوزون یوز کره شبنم یوما دان، گلبرگ سیرابین.
صبا، اول زلف تپرندیکجه تشویشیم زیاد ائیلر،
ساقین، تپرتمه کیم، باغریندا دیر باشی بو قلابین.
در و دیوارینه گستاخ اوز سورموش دیو، گردون
اوزونی گئجه‌لر سورتر یئره تا صبح مهتابین.
محبت ظاهر ائتمک جزمینه، قان تؤکمک ایسترسن،
حبیبیم، مونجه هم رغبت ندیر زجرینه احبابین!
فضولی غمزۀ مردم کشندن التفات ایستر،
سانیر کیم، التفاتی رحم اولور قربانه قصّابین.