چون جفا معتادییم، بیلمم ندیر مهر و وفا

وار امیدیم کی، گؤروب جولانینی اولسام هلاک،
گرد نعل بادپایین اؤرته جسمیم اوزره خاک.
اؤلدوگوم منزلده دفنیم قیلماغا سانمین لحد،
بیر گؤروب غربتده احوالیم، گریبان ائتدی چاک.
مست جان وئردیم، مزاریم اوزره تعظیم ایله‌ییب،
قوبه یاپیب دانۀ انگور، ایوان توتدی تاک.
چون جفا معتادییم، بیلمم ندیر مهر و وفا،
بیلمه سه مهر و وفا رسمین جفاکاریم، نه باک.
هر کدورتدن منی پاک ائتدی سیل خون دل،
شکر لله، آتش عشقین منی یاندیردی پاک.
آه، بیلمم نئیلییم، جانیمدا راحت قالمادی،
گؤزلریم نمناک، سینم چاک، کؤنلوم دردناک.
غیر نقشین محو قیلمیش دیر فضولی سینه دن،
ماله فی الدهر مطلوبون و مقصود ون سواک*
——————————————————
* اونون دنیادا سندن باشقا ایستک و آرزوسو یوخدور.