سیزی تا ائتمه یه رسوا

گلیر اول سرو سهی، ای گل و لاله، آچیلین!
وی مه و مهر چیخین، قدرته نظاره قیلین!
عزم باغ ایلمیش اول سرو روان، ای گل لر،
بیر نثار ائده گؤرون، جمیع ییغیلین، دریلین.
گؤتورون اوخلارین، ای دیده لریم، توپراقدان،
بو یارار نسنه‌لرین قدرینی یاخشیجه بیلین.
ایلمین، ای دل و جان، خنجر مژگانینه میل،
بیلیرم نولدوغون آخر، گلین اوندان کسیلین.
گؤز یاشی تیغینیز ایچون چوخ تؤکولور، ای خوبلار،
سیزی تا ائتمه یه رسوا، گؤرونن دیده سیلین!
دوشدی اود جانیمه، ای تنده اولان پیکانلار!
قیزمادان معرکه بیر یانه ارینمین، چکیلین!
ای فضولی، قدیمیز قیلدی فلک خم، یعنی
وقت دیر چیخماغا دنیا قاپی سیندان، اگیلین.