متصل قیلماقا افشا غم پنهانیمیزا

کفر زلفون سالالی رخنه‌لر ایمانیمیزا،
کافر آغلار بیزیم احوال پریشانیمیزا.
سنی گؤرمک متعذر گؤرونور بؤیله کی، اشک
سنه باخدیقدا دولار دیده‌ی گریانیمیزا.
جوری چوخ ائیله‌مه کیم، اولمایا ناگه توکنه،
آز ائدیب، جوری جفالر ائده سن جانیمیزا.
وار بیر حلقه‌ی زنجیریمیزین بیر آغزی،
متصل قیلماقا افشا غم پنهانیمیزه.
اسکیک اولماز غمیمیز بونجا کی، بیزدن غم آلوب
هر گلن غملی گئدر، شاد گلیب یانیمیزا.
غم ایام، فضولی، بیزه بیداد ائتدی،
گلمیشیز عجز ایله داد ائتمگه سلطانیمیزا.