منو
شامه عرض ائتدین، رخون شمعی اریتدی انفعال
چرخ هر آی باشنا سالمیش قاشیندان بیر خیال،
بو جهتدن دیر هر آی باشیندا اولماق بیر هلال.
ماه نو اولموش قاشین سئوداسی نین سرگشته سی،
شهردن شهره گزر آواره‌لر تک ماه و سال.
ائتدیگیچون حسنونه قارشو کمال اظهار گون
بیر گون اولماز کیم، اونا گردون یئتیرمز بیر زوال.
صبح قیلدین جلوه، گون چکدی اؤزون بیر گوشه یه،
شامه عرض ائتدین، رخون شمعی اریتدی انفعال.
قیلما گؤزدن چهره و خالین نهان کیم، قیلمایا
دود آهیم آفتابی چهرۀ گردونه خال.
اولمویوب مقبول خاک درگهین ماه تمام،
ضعف طالع وئردی گون گوندن اونا تغییر حال.
ای فضولی، ماهه نسبت محو قیل وارین تمام،
گر دیلرسن بولماق اول خورشید بیرله اتصال.