عاشقی رسوا گؤروب، منع ائتمه، ای ناصح، منی

ملک حسنون بؤیله ظالم پادشاهی اولماغیل
کیم، سانا ظالم دئسه عادل، گواهی اولماغیل.
غمزه تیغین چکمه هر ساعت کؤنول یغماسینه،
حکمه تابع، ملکه غارت گر سپاهی اولماغیل.
آهینی، ای ماه، عشاقین یئتیرمه گؤگ لره،
درد اهلی نین نشان تیر آهی اولماغیل.
گر دیلرسن شمع تک غیرت اودونا یانماییم،
شام لر اغیار شمع بزمگاهی اولماغیل.
عاشقی رسوا گؤروب، منع ائتمه، ای ناصح، منی،
منکر تقدیر آثار الهی اولماغیل.
عادت ائتمک خوش دئگیل بیداده، رحم ائت، تانری یچون،
گاهی اولسان مایل بیداد، گاهی اولماغیل.
ای فضولی، ائیله‌مه، طاعات ریایی، ترکینی،
توبه قیل من بعد، مشغول مناهی اولماغیل