بیر ثواب ائت، صبح لر تا شام قیل عرض جمال

بس کی، ضعف روزه دن هر گون اولور تغییر حال،
اولاجاق دیر عید ایچون ماه تمامیم بیر هلال.
قیلدی ماه روزه اول خورشیدی گون گوندن زبون،
ذره ذره آیه، سان گون نوری ائیلر انتقال.
بیر خیال ائتمیش می ضعف روزه ماهی، بیلمزم،
یوقسا یاری گؤرمه‌ییب، من گؤردوگوم دور بیر خیال.
توتا بیلسیدیم، سو ایچمزدیم، قیلیردیم دفعینی،
روزه نین کیم، گؤز گؤره خورشیدیمه ایستر زوال.
آی توتولسون، روزه ایامیندا گون دوشسون یئره
کیم، بو آی، گوندن بولوبدور مهربان ماهیم هلال.
قانیمی ایچمک دیلر اول لعل میگون هر گئجه،
روزه توتموش غالباً، افطار ایچون ایستر حلال.
یئمک ایچمک فکرین اهل روزه دن کس، ای گونش،
بیر ثواب ائت، صبح لر تا شام قیل عرض جمال.
روزه تکلیفین فضولی دن گؤتور، ای محتسب،
ناتوان دیر، اوندا بو تکلیفه یوخدور احتمال.