گؤر نه اهل علم دیر

ایله مستثنی گؤزلسن کیم، سنه یوخدور بدل،
سندن، ای جان، منقطع قیلماز منی الا اجل.
نئجه صورت باغیلاسین کؤنلوم خلاص عشقدن،
عشق دیر بیر حال کیم، اول حاله کؤنلوم دور محل.
عشقیمه نقصان یئتیرمز گؤرممک اول عارضی،
جوهره تغییر آثار عرض وئرمز خلل.
ائیله‌دی رسوا کؤنول چاک گریبان ادب،
گؤر نه اهل علم دیر، آداب ایلن ائیلر جدل.
حالیمی گؤردوکجه منع اهل عشق ائیلر فقیه،
حجت مقطوعی یوخ، ائیلر قیاس ایلن عمل.
مدرسه ایچره مدرس وئردیگی مین درس دن
یئیدورور میخانه ده بیر جام وئرمک بیر گؤزل.
ای فضولی، من دم اورموشدوم صفای عشقدن
مطلع خورشید ایجاد اولمادان صبح ازل.