بیر نخل کی

صبریم آلیب فلک، منه یوز مین بلا وئرر،
آز اولسا هر متاع، اونا ائل چوخ بها وئرر.
دوشدیم بلای عشقه، خردمند عصر ایکن،
ائل شیمدی مندن آلدیغی پندی مانا وئرر.
صانمین عجب، رطب یئرینه وئرسه لعل تر
بیر نخل کی، قان یاشیم اونا نشو و نما وئرر.
خاک درین دیر اول کی، دون و گون ثواب ایچون،
هم آیه سورمه، هم گونشه توتیا وئرر.
قیلماز قبول صورت اقبال مونجه کیم،
آینۀ وجودوما جورین جلا وئرر.
نی کیمی جسمیم اولدی اوخوندان دلیک دلیک،
دم اوردوومجا یئرلروندن صدا وئرر.
هر دردسیزدن اوممّا، فضولی، دوای درد،
صبرایله، کیم کی، درد وئریب دیر، دوا وئرر.