زینهار

۱۰۵خم قدیله آغلارام اول طرۀ طرارسیز،
گرچی دئرلر چنگ دن چیخماز ترنم تارسیز.
سینۀ چاکیمدن اکسیک ائتمه تیر غمزنی،
ای گل رعنا، بیلیرسن کیم، گل اولماز خارسیز.
ساخلامازدیم ناوکین گؤزده، بلاسین چکمه سم،
بسلمزدیم سو وئریب اول نخلی اولسا بارسیز؟
یول آزارسان ظلمت حیرتده، ای دل، واقف اول،
زینهار، اول کویه وارما آه آتشبارسیز.
گریۀ زارایله خوشحالم کی، بحر عشقده،
اشک سیز گؤز بیر صدف دیر، لؤلؤ شهوارسیز.
جانه آزار خدنگین خوش گلیر، ای قاشی یای،
بیر سفارش قیل کی، بیزدن اولماسین آزارسیز.
زهددن کئچمز فضولی، ائیله مز ترک ریا،
پند چوخ وئردیم، ائشیتمز عارسیزدیر، عارسیز.