مرید ساقییم

طریق فقر توتسام طبع تابع، نفس رام اولماز،
غنا قیلسام طلب، اسباب جمعیت تمام اولماز.
دهانیندان اثر گؤرمم، میانیندن نشان، وه کیم
من ناکامه عمرومدن میسر هیچ کام اولماز.
مقیم کوی درد ائیلر منی آه جگرسوزم،
بو آهنگ ملال افزایه بوندان تک مقام اولماز.
مرید ساقییم کیم لطفی اهل ذوقه دایم دیر،
نه حاصل اهل زهدون شفقتیندن کیم، مدام اولماز.
دئدیم: عشاقه جور ائتمه؛ دئدی اول خوبلار شاهی:
سیاست اولمایینجا عشق ملکونده نظام اولماز!
لبیندن قطره قطره قان ایچر کؤنلوم کراحت سیز،
شکردن اولی جاق مئی قطره سی گویا حرام اولماز.
فضولینی ملامت ایله ین بیدرد بیلمزمی
کی، بازار جنون رسوالاریندا ننگ و نام اولماز.