بحرلر سیرایله سن، مطلق تر اولماز دامه نین

خوش دور ایرمک اول بدن وصلینه پیراهن کیمی،
گه ال اؤپمک آستین تک، گه آیاق دامن کیمی.
عکس سالماز پیکریم گوزگویه باخسام، ضعف دن،
عالم صورتده بیر شیدا بولونماز من کیمی.
جمع دیر کؤنلون سنین کیم، وار من تک چوخلارین،
من پریشانم کی، تاپیلماز منه بیر سن کیمی.
بو چمن گلرخ لرینه درد دل قیلماز اثر،
یوز دلین وار ایسه، خاموش اول، کؤنول، سوسن کیمی.
گر دیلرسن ائده سن نظارۀ دیدار یار،
کند اورنک گؤرمه آراده، دیدۀ روشن کیمی.
دامنین دولدورسا گردون دّر ایلن، تؤک ابر تک،
دّر ایچون تلخ ائتمه کامین بحر تردامن کیمی.
سال نظردن لعل هم گؤرسن، سرشک آل تک،
لعل ایچون هر داشه اورما باشینی، معدن کیمی.
کارگاه صنع دن بیر صورت ائت نقش ضمیر،
مین خیالین توتماگیل، سرشتۀ سوزن کیمی.
گؤز یاشیله دانه دانه جمع اسباب ائتمه کیم،
یئله وئرور دهر اونو، هر آنی پامال ائدیب خرمن کیمی.
بحرلر سیرایله سن، مطلق تر اولماز دامه نین،
گر هوای عشق ایله مملو ایسن یئلکن کیمی.
قاندا اولسان، قاپی لوحی تک گؤزت عصمت یولون،
آچما گؤز دیوارلردن هر ائوه روزن کیمی.
ای فضولی، منزل مقصوده یئتمک ایسته سن،
هیچ رهبر یوخدور اطوار مستحسن کیمی.