خواه بیر عاقل خیال ائت

ای اسیر دام غم، بیر گوشۀ میخانه توت!
توتما زهادین مخالف پندینی، پیمانه توت!
دیشلدیمسه لعلین، ای قانیم تؤکن، قهر ائیله‌مه،
توت کی، قان ائتدیم، عدالت ایله، قانی قانه توت!
جیزگینیرکن باشنا، شمع رخوندن جانیمی،
منع قیلما، آنی هم اول شمعه بیر پروانه توت!
گر سنه افغانیمی بیهوده دئرسه مدعی،
اول سؤزه توتما قولاق، من چکدیگیم افغانه توت!
توتمازام زنجیر زلفو ترکین، ای ناصح، منی
خواه بیر عاقل خیال ائت، خواه بیر دیوانه توت.
ای اولوب سلطان، دئین دنیاده مندن غیری یوخ،
سن سنی بیر جغد بیل، دنیانی بیر ویرانه توت.
ای فضولی، دهر زالی نین فریبیندن ساقین،
اولما غافل، ار کیمی تپرن، ایشین مردانه توت!