گر دوشسه فرصتین، یاد ائت!

یورو، یئتیر منه، ای سیل اشک، بیداد ائت،
گر آقچان ایله آلینمیش قول ایسم، آزاد ائت!
ایتیرمه ایتلری آوازی نین، کؤنول، ذوقین،
یئتر قارا گئجه‌لر هرزه هرزه فریاد ائت!
خراب اولان کؤنول، ای بت، سنین مقامین دیر،
تغافل ائیله‌مه، بیر قاچ داش ایله آباد ائت!
ائشیتمدینمی، کؤنول، عشق مشکل اولدیغونو،
سنه بو مشکل ایشی کیم دئدی کی، بنیاد ائت؟!
خلاف عادته چوخ اولما، ای پری، مایل،
یئتر فسون ایله تسخیر آدمیزاد ائت!
صبا، اسیرلری قصدین ایلمیش اول گل،
بیزی هم اوندا، اگر دوشسه فرصتین، یاد ائت!
فضولی، ایستر ایسن ازدیاد رتبۀ فضل،
دیار روم گؤزت، ترک خاک بغداد ائت!