گؤزدور گؤرن رخسارینی

غیره ائیلر بی سبب مین التفات اول نوش لب،
التفات ائتمز منه مطلق، ندیر بیلمم سبب؟
جور اولور عادت غضب وقتی، نه عادت دیر بو کیم،
جورون آز ائیلر منه اول ماه چون ائیلر غضب.
نولا غمزن فکری دوشدیسه دلسوزانیمه،
ظالمین گر اولسا آتش منزلی، اولماز عجب.
دمبدم گر دوشسه گؤزدن دور اشکیم، وجهی وار.
یاش اوشاقلاردیر یتم، اونلاردا یوخ رسم ادب.
جوری کؤنلوم دور چکن، گؤزدور گؤرن رخسارینی،
الله، الله، کام آلان کیم دیر، چکن کیم دیر تعب.
یار بیداد ائیله مز عشاق فریاد ائتمه دن،
هر نئجه روز مقدر اولسا، واجب دیر طلب.
مطرب، آغیلاتما سرودینله فضولی چشمنی،
سیل اشکیندن ساقین، قوپمایا بنیاد طرب.