چرخه چکدیم دود دل

پای بند اولدیم سر زلف پریشانین گؤروب،
نطقدن دوشدیم لب لعل دور افشانین گؤروب.
اودا یاخدیم شمع وش جانیم، باخیب رخسارینه
چرخه چکدیم دود دل، سرو خرامانین گؤروب.
گزدیرر هر یان گؤزوم اشک اوزره باغریم پاره سین،
خلعت گلگون ایله رخش اوزره جولانین گؤروب.
بیر زامان کئچمز کی، دل تیغیندن اولماز چاک چاک،
آچیلیر هر دم توتولموش کؤنلوم احسانین گؤروب.
کؤنلومی تنهالیق ائیلردی پریشان سینه ده،
اولماسایدی جمع، هر یانیندا پیکانین گؤروب.
بند و زندان غم و محنتدن اولموشدوم خلاص،
آه کیم، دوشدیم یئنه، زلفو زنخدانین گؤروب.
ای فضولی، مونجه کیم، توتدون نهان حال دلین،
عاقبت فهم ائتدی ائل چاک گریبانین گؤروب.