طعن غفلت دیر پری

درد عشقیم دفعینه زحمت چکر دایم طبیب،
شکر کیم، اولموش اونا زحمت، منه راحت نصیب.
بیر زبان دیر شرح غم تقریرینه هر برگ گل،
ائیله مز بیهوده گل گؤردوکده افغان عندلیب.
بیلسه ذوقوم وصلدن فرقتده افزون اولدیغون،
وصلدن منعم روا گؤرمزدی رشکیندن رقیب.
طعن غفلت دیر پری طلعت لره اظهار حال،
سانما کیم، احباب حالیندان اولور غافل حبیب.
آه، بیلمم نئیلییم، قورتولماق اولماز قیددن،
من حریف ساده دل، خوبان جمالی دلفریب.
شمع قربیله تفاخر قیلما، ای پروانه، کیم،
خرمن عمرون گؤیر برق فنادان عنقریب.
نولا آغلارسا فضولی روضۀ کویین گوروب،
لاجرم گریان اولور قیلغاج وطن یادین قریب