شعلۀ آه ایله یاندیردیم

روزگاریم بولدو دوران فلکدن انقلاب،
قان ایچر اولدیی، ایاغین چکدی بزمیمدن شراب.
شعلۀ آه ایله یاندیردیم دل سرگشته یی،
بیر اود اولدیم، جیزگینن چئورمده اولمازمی کباب؟
لعلین ایله باده بحث ائتمیش، زهی گمراه لیق،
اولدی واجب ائیله مک اول بی ادبدن اجتناب.
وئرمز اولدی یول وصاله پیچ زلفون، آه، کیم،
رشتۀ تدبیردن دوران کجرو آچدی تاب.
اولمادی اول ماهه روشن یاندیغم هجران گونو،
یاندیغین شمعین نه بیلسین شب تا سحرگه آفتاب.
گؤز کی، هجرانین خیالیله ساچار هر یان سرشک،
بیر صدف دیر، قطرۀ بارانی ائیلر دور ناب.
اولدی ابر دود آهیم پردۀ رخسار ماه،
آه کیم، آلماز جمالیندن هنوز اول مه نقاب.
کسمه‌دی مندن سر کویینده آزارین رقیب،
ای فضولی، نیشه جنّت ایچره یوخ، دئرلر عذاب؟