چشم گریانیم گؤروب

اول کی، هر ساعت گلردی چشم گریانیم گؤروب،
آغلار اولدی حالیمه، بی رحم جانانیم گؤروب.
ایله ین تعیین اجزای مداوا دردیمه،
ترک ائدیب، جمع ائتمه دی، حال پریشانیم گؤروب.
لاله رخ لر گؤکسومون چاکینه قیلمازلار نظر،
هیچ بیر رحم ائیله مزلر داغ هجرانیم گؤروب.
توت گؤزون، ای دود دل، چرخین کی، دوران ترک ائدیب،
قالماسین حیرتده، چشم گوهر افشانیم گؤروب.
پرتو خورشید صانمین یئرده کیم، دور فلک،
یئره اورموش آفتابین، ماه تابانیم گؤروب.
سودا عکس سرو صانمین، کیم قوپاریب باغبان
سویه سالمیش سروینی، سرو خرامانیم گؤروب.
ای فضولی، ملکه اول گل عارضی گؤرموش دئگیل،
کیم کی، طعن ائیلر منیم چاک گریبانیم گؤروب.