بیر نفس قالمیش

مسکن، ای بلبل، سنه گه شاخ گل دور، گه قفس،
نئجه عاشق سن کی، آهیندن توتوشماز خار و خس؟
یار کویینده مسلمانلار گر اولسایدی، یئریم،
کافرم گر روضۀ رضوانه ائیلردیم هوس.
کوه فریاد صداسین وئردی فرهادین دئمین،
نقش شیرین دیر وئریر آواز، اولوب فریادرس.
ناقه لیلی محملین چکمیش بیابان سیرینه،
ایله مجنونو بو حالتدن خبردار، ای جرس!
بیر نفس قالمیش حیاتیمدان، حبیبیم، صبح تک،
نولا گر بیر مهر گؤسترسن منه آخر نفس.
خالی ائتدیم دل هوای اختلاط خلق دن،
بزم غمده نئی کیمی همدم منه فریاد بس.
ای فضولی، گر سنه جمعیت دل دیر مراد،
باغیلا بیر دلداره کؤنلون، غیردن پیوندی کس.