لحظه لحظه

گؤز یاشیمدان سوز پنهانیم ائدر عارف قیاس،
بی خبر تأثیر انجمدن دئگیل اخترشناس.
قان یئتیر کیم، دمبدم گؤزدن یئنیب، اؤرتر تنیم،
دشت غم مجنونیم، من قاندان و قاندان لباس؟
خشت لر تک بیر بیری اوزره جگر پرکاله سین،
گؤز ییغیب سالمیش حباب خون بناسیچون اساس.
ای سانان ژولیده مو باشیندا مجنونون، ساقین،
بی تکلف گئتمه کیم، لیلی ائویدیر اول پلاس.
لحظه لحظه خم قدیم پیکانین ایستر، یا قیلیر،
ذره ذره ماه نو خورشیددن نور اقتباس.
تیغ غمزن اؤیله بران دیر کی، جلاد اجل
تؤکسه قان تعجیل ایچون تیغیندن ائیلر التماس.
ای فضولی، زهر قهریله دولودور طاس چرخ،
چکمز اونون قهرینی هر کیم، چکر بیر دولو طاس.