اولماز وجود عاشقه

خاک ره ائتدی عاشق مسکینی اول هوس
کیم، پای بوس یاره قاچان بولا دسترس.
راز درونی دیشرایا سالماق روا دئگیل،
بودور گناهی کیم، آچیلیر متصل جرس.
دیدار دوست دور ایکی عالم نتیجه سی،
یوخ اوندان اؤزگه عاشقه عالمده ملتمس.
تنینم هوای عشقین ایله دولدو نئی کیمی،
دم اوردوغومجا آه و فغان دیر چیخان نفس.
هر قید اولورسا محض بلا دیر کی بلبله
گر شاخ گل دن اولسا، کدورت وئر قفس.
اول غمزه دن، کؤنول، اگر ایسترسن التفات،
تیغ تجرد ایله جانیندان علاقه کس.
اولماز وجود عاشقه عشق ایچره اعتبار،
دؤزمز، فضولی، آتش هجرانه خار و خس.