جان چیخینجا ایسترم

ای کؤنول، اول خنجر مژگانه ائیلرسن هوس،
قصد جان ائتدین، بقای عمردن پیوند کس.
چکمه غربت عرمنه، ای ساربان محمل، ساقین
کیم، بو یولدا بیم غربتدن دیر افغان جرس.
حال زاریمدن سنی فریادم آگاه ائیله دی،
شکرلله، اولدی فریادم منه فریادرس.
بیر بیرینه بس کی، سانجیلدی تنیمدن اوخلارین،
مرغ روحوم قیدینه اولموش مرتب بیر قفس.
طعنۀ اهل ملامتدن نه نقصان عاشقه،
برق لامع دفعین ائیلرمی هجوم خار و خس؟
سوز عشقین تنده ناگه بولماسین نقصان دئییب،
جان چیخینجا ایسترم چیخمایا تندن بیر نفس.
ای فضولی، من قناعت ملکونون سلطانیم،
سلطنت اثباتی اگنیمده پلاس فقر بس.