نقطۀ خالینه باغیلانمیش

کوهکندن گؤرونور کوهده آثار هنوز،
کوهکن گئتدی ولیکن اثری وار هنوز.
چکدی مجنون آیاغین بادیه دن، لیک وئریر
قانلی گل لر، آیاغیندان چکیلن خار هنوز.
وادی عشقده سئودا ایله سرگشته ایدیم
گلمه دن گردشه بو گنبد دوار هنوز.
نقطۀ خالینه باغیلانمیش ایدی جان و کؤنول،
گزمه دن دایرۀ دورده پرگار هنوز.
ماهه چکدیم شب هجران علمی شعلۀ آه،
آه کیم، اولمادی اول ماه خبردار هنوز.
نالۀ زاریم ایله خلقه حرام اولدی یوخو،
قاره بختیم یوخدان اولمادی بیدار هنوز.
مرهم وصلی ایله بولدو قامولر درده دوا،
بو فضولی الم هجرایله بیمار هنوز.