صفحۀ چمن اوستونده ژاله و شبنم

ایریشدی وقت کی، گل باسا بوستانه قدم،
جهانی ائیله یه لطف باهار رشک اِرَم.
وئره بنفشه ایله برگ ارغوان چمنه
صفای زینت پیوند آبنوس و بقم.
هوادن ائیله یه اشجاری ابر گوهربار،
صفحۀ چمن اوستونده ژاله و شبنم.
گونشدن اولا سپهر کواکب و سیار
چنار سایه سی آلتیندا سبزۀ خرم.
صفحۀ چمن اوزره تردد ائده نسیم،
مسیح جلوه گهی اولا دامن مریم.
عوقود شبنم ایله روز و شب حرارت مهر
خطوط سبزه یی گه مهمل ائده گه معجم.
مساوی اولا لطافتیده آسمان و زمین،
برابر اولا گورونمکده اشهب و ادهم.
چمنده اوخونا حکم ایالت نوروز،
مثال حکمه نثار ائیله یه شکوفه دِرَم.
رواج بخش اولا گلزاره اعتدال هوا،
نچون کی، خطۀ بغداده سرور اعظم.
گل بهار عدالت، نهال گلشن جود،
شکوفۀ چمن لطف و سرو باغ کرم.
مه سپهر ایالات ایاس پاشا کیم،
اساس ملک دور اندیشه سیله مستحکم.
بلند قدر جنابی کی، رأی روشن ایله،
دئگیل دقایق آداب سلطنت مبهم.
مشرف ائیله‌مه‌میش بیر اونون کیمی کامل،
سریر سلطنتی اوندان اسبق و اقدم.
وجود کاملینه یوخ نظیر عالمده،
نه احتیاج کی، من سؤیله یم، بیلیر عالم.
ایا بلند نظر آفتاب اوج شرف
کی، خلق رزقینه دیر دست همتین مقسم.
فقیر سفرۀ انعامین اغنیای زمان،
غریق نعمت احسانین اولیای نعیم.
حریم درگهینه عزم ائدن فقیرلره
نصاب نعمت ایله فرض اولور طواف حرم.
تقرّبون سنین اول رتبۀ سعادت دیر
کیم، اوندا لازم اولور قرب حق تعالی هم.
امید ایله توتالی دامن عدالتینی،
ایریشمز اولدی گریبان ملکه دست ستم.
قضا یازاندا سنین اسمینه بقا ملکون،
قیلیر عدولرینی نوک تیغین ایله قلم.
بو اولماسایدی غرض، صفحۀ وجوده قضا
سنین عدولرین اسمینی ائیله مزدی رقم.
فساد طعنه سین انسانه ائیله ین ملکی،
گر ائتمه سه یدی سنین حسن سیرتین ملزم،
فساده قایل اولوب انفعالدن باشین
یوخاری قالدیرا بیلمزدی بیر بنی آدم.
طهارت و ورع و زهد و تقوا ایله مدام
بینای حسن سلوکین دیر اول قدر محکم
کی، بحر حیلۀ ابلیس اونا گر اولسا محیط،
تسورائیله مک اولماز کیم، اول بینا چکه نم.
گلیب حضورینه گؤرسه یدی پاک مشربینی،
چالاردی خجلت ایله جام توبه داشنا جم.
گؤروب سپاهینه اولسایدی واقف رزمین،
تفاخر ائتمز ایدی ضرب تیغیله رستم.
بو نو ایله کی، زامانینده جسم ملک مدام
بولور حیات مجدد، زمان – زمان، دم – دم،
وجود حفظینی لطفون اگر ائدینسه مراد،
بینای فیض ایله مسدود اولوردو راه عدم.
مقرر ائیله‌دی گردون کی، دهر دوردوقجا،
نهال قامتینی بار غمدن ائتمه یه خم.
زمانه اوزره گؤرن سایۀ عدالتینی
روامی دیر کی، ائده سایۀ عدالتی کم.
شها، فضولی زارم کی، چرخ بیهُده گرد،
سالیب دیر آینۀ طبعیمه غبار الم.
تنیمده زخم خدنگ بلا، ولی شادم
کی، لطفون اولسا، بولور جمله زخم لر مرهم.
امید وار کی، تسخیر ملک عالم ایچون
فزای چرخده چکدیکجه آفتاب علم،
زامان – زامان یوزونه باغلی قاپیلار آچیلا،
نفس – نفس اولوب افزون قاپیندا خیل و حشم.
میّسر اولا کی، توفیق فتح ایله تیغین
اولا عراق عربده کلید صلح عجم.